1942 онд МУИС байгуулагдахад их сургуулийн үндэс суурь болсон Хүн эмнэлгийн факультет байгуулагдаж, МУИС-ийн хичээлийн болон оюутны байр, сургалтын баазыг түшиглэн үйл ажиллагаагаа эхэлсэн түүхтэй. 

Оюутны 1-р байр нь анх 1977 онд 374 оюутны багтаамжтайгаар байгуулагдсан бөгөөд хөдөө, орон нутгаас ирж суралцаж буй оюутан залуучуудыг ая тухтай орчин нөхцөлд сурч амьдрах бололцоог бий болгож, одоог хүртэл тасралтгүйгээр үйл ажиллагаагаа явуулж байна. АШУҮИС-ийн Захирлын үүрэг гүйцэтгэгчийн 2019 оны 02 дугаар сарын 26-ны өдрийн А/49 дугаар тушаалаар батлагдсан “АШУҮИС-ийн Оюутны байрны журам”-г мөрдөн ажиллаж байна. 

Оюутны 1-р байр нь 840м2 эзэмшил газартай, 374 оюутныг хүлээн авах хүчин чадалтай. Нийт 104 өрөөтэй. Давхар бүртээ 30 хүртэл оюутны хүчин чадалтай уншлагын 3 танхимтай. Давхар болгонд ариун цэврийн өрөө 4, угаалтуур 8, шүршүүр буюу халуун усны өрөө 1 байдаг. БЗД-ийн 6-р хорооны Оцело өрхийн эмнэлэг, өсвөр үе залууст ээлтэй клиник, БЗД-ийн 6-р хорооны цагдаагийн хэсэгтэй тус тус хамтран ажилладаг.

Оюутны дотуур байрны хамт олон нь оюутан бүрт хүрч үйлчлэх , зөв боловсон харьцах, хоёр дахь гэр болсон оюутны байрныхаа цэвэр тохилог орчинг бүрдүүлэх, хэрэгтэй үед нь тусалж дэмжлэг үзүүлэх, амгалан тайван байдлыг бүрдүүлэх зорилгын хүрээнд ажилладаг.

Өнөөдрийн байдлаар АШУҮИС-ийн оюутны 1-р байр нь нийт 7 ажилтантай.

Байрны эрхлэгч -1

Жижүүр -3

Үйлчлэгч -2

Слесарь -1 хүний бүрэлдэхүүнтэй ажиллаж байна. Оюутны байрны ажиллагсдын хурлыг сар болгон тогтмол хийж, хийх ажил болон тулгамдаж буй асуудлаа тогтмол ярилцаж ажлын чанар хүртээмжийг сайжруулж ажилладаг.

АШУҮИС-ийн оюутны 1-р байр нь оюутны зөвлөлөө жил бүр сонгон шалгаруулж,  хийх ажлын төлөвлөгөө гарган ажиллуулдаг. Байрны зөвлөл нь 5 оюутны бүрэлдэхүүнтэй ажилладаг. Жил бүр оюутнуудаа нэгдмэл нэг санаа хүсэл зорилготой байлгах үүднээс “Танилцах” үдэшлэг, гар бөмбөг, сагсан бөмбөг, шатар, даам, теннисны тэмцээн зохион байгуулдаг. Жил бүрийн 12 сард оюутнуудын дунд “Шилдэг тасаг”–г шалгаруулж идэвхитэй оролцсон оюутан,  тасгийг шагнаж урамшуулдаг. 

Оюутны 1-р байр нь 2021-2022 оны хичээлийн жилд нийт 328 оюутантайгаар үйл ажиллагаагаа явуулж байгаа бөгөөд үүнээс БНЛАУ-ын 26 оюутан амьдран, суралцаж байна. Ковид-19 цар тахлын үед оюутны байр нь 100%-ийн дүүргэлттэйгээр ажиллахгүй байгаа ч, оюутны тав тух хэрэгцээ шаардлагыг бүрэн ханган ажиллаж байна. Цар тахлын үед тусгаарлалтын 4 өрөө, нөөцийн 1 өрөөг гаргаж, ковид туссан оюутнуудыг тусгаарлан хэвтүүлэн эмчлүүлж байна. Их сургуулийн захирлын шийдвэрийн дагуу резидент оюутан Б.Баярмааг оюутны байранд байршуулан эмчээр ажиллуулж, оюутнуудад эрүүл мэндийн тусламж, үйлчилгээг тасралтгүйгээр үзүүлж байна.